Fagráðstefna skógræktar 2012
Föstudagur, 27. janúar 2012 14:05
Fagráðstefna skógræktar verður haldinn 27. – 29. mars nk. á Fosshótelinu Húsavík. Dagskráin verður að einhverju leyti blönduð en ríflega helmingur erinda verður tengt þemanu: Tegundir, kvæmi og klónar í íslenskri skógrækt. Fyrst og fremst verður um nýjar rannsóknarniðurstöður og upplýsingar að ræða. Meðal efnis sem þegar liggur fyrir er erindi um kvæmaval stafafuru, fjallaþins, skógarfuru og sitkagrenis byggt á nýjum mælingum á misjafnlega gömlum kvæmatilraunum. Flutt verður erindi um kynbætur á alaskaösp og skoðuð almenn reynsla af notkun elris á Íslandi.
Viðgerðir á landi eftir akstur utan vega
Mánudagur, 23. janúar 2012 13:59
Mörg verkefni bíða lagfæringar á skemmdum á landi eftir akstur utan vega. Unnið er að þróun aðferða við að gera við slíkar skemmdir og þróun leiðbeininga um hvernig best er að standa að verki við ólíkar aðstæður.
Opin málstofa um inntak og áherslur nýrra laga um landgræðslu
Fimmtudagur, 19. janúar 2012 09:13
Nefnd, sem umhverfisráðherra skipaði á vordögum til að semja greinargerð um inntak og áherslur nýrra landgræðslulaga boðar til málstofu í Þjóðminjasafninu í Reykjavík, fimmtudaginn 26. janúar kl. 14:00 – 16:00.
Þar mun formaður nefndarinnar, Daði Már Kristófersson dósent við hagfræðideild Háskóla Íslands hafa framsögu og síðan verða opnar umræður.
Tilgangur málstofunnar er að kynna vinnu nefndarinnar og fá ábendingar og tillögur sem nýst geta við áframhaldandi vinnu.
Málstofan er öllum opin og eru allir sem áhuga hafa á landgræðslu hvattir til að mæta.
Lesa nánar: Opin málstofa um inntak og áherslur nýrra laga um landgræðslu
Fleiri greinar...
Síða 1 af 112
